DaquíDòc qu’ei un apèr numeric tau Projècte d’Educacion Artistica e Culturau qui concerneish los patrimònis occitans en Novèla Aquitània.
Lo site DaquíDòc qu’ei hèit en francés e en occitan. Qu’ei hicat a disposicion deus ensenhaires e deus escolans de tots los cicles (deu primari au licèu). Aqueth apèr qu’ei pensat tà correspóner au programa P@trinum e a la demanda de la region Novèla Aquitània, de la Drac Novèla Aquitània e deu Rectorat.
DaquíDòc que referéncia nombrosas ressorsas hèitas per institucions culturaus suus patrimònis occitans.
Lo site que dispausa de tres foncionalitats qui son :
- tres sòrtas de recèrca
- lo depòsit e la valorizacion deus tribalhs realizats en lo CEAC
- tutoriaus d’ajuda a l’installacion d’un CEAC cultura occitana e deu site web
Un module interactiu de cap aus escolans qu’ei tanben per viéner. Aqueste que poderà servir de supòrt pedagogic en classa o en autonomia.
DaquíDòc qu’ei :
- Ressorsas qui concerneishen tots los departements deu territòri occitan de Novèla Aquitània : en Charenta, Corresa, Cruesa, Dordonha, Gironde, Hauta Vinhana, Landas, Òlt e Garona e Pirenèus Atlantics
- Ua recèrca geografica gràcias a la cartografia geolocalizada
- Ua recèrca temporau per la frisa cronologica
- Ua recèrca textuau, simpla o avançada, per cicle escolar, maine d’estudi e tempsada istorica
- La possibilitat d’accedir au vòste istoric de recèrcas après identificacion
- La consultacion deus CEAC realizats dens d’autas classas
- Lo depòsit e la valorizacion de las realizacions deus vòstes escolans
- Ua ajuda numerica enriquida d’ua ajuda institucionau